onsdag 23. desember 2015

GOD JUL

Berre innom for å ynskje deg ei riktig god jul !

No reiser eg heim til Gulen for å feire jula der.



søndag 13. desember 2015

3. søndag i advent..

Ja då er det snart jul!
Og her går det i den vanlige desember aktiviteten, tove ferdig tøflar som er bestillt og prøve å lage og kjøpe ferdig alle julepresangane eg sjølv skal gje.
Men eg har fått pynta litt til jul og :)
 Og idag har eg endelig fått hengt opp gardinstang og gardiner, eg synes det blir litt meir lunt her inne med gardiner når det er så mørkt ute.
Endelig er vintersporten igang og, så med sport på tv styrar eg på med juleforberedelsar.
 Ute på verandaen min veks det mykje løye i verandakassen, og ein av vekstane er eit lite bjørketre!
Eg gjekk ut og saga den ned og putta det i ein vase, så då fekk eg brukt nokre av julekulene mine ;)
 God søndagskveld til deg :)
Her er det snart handballkamp og presanglaging i sofaen.

søndag 29. november 2015

1. søndag i advent.

Hei :)
Fyrste søndag i advendt alt, skal sei tida flyg!
Og eg som ikkje har ein einaste julepresang klar enda...
Kjenner litt stress i kroppen når eg tenker på det, men det ordnar seg vel på eit vis.


Vintersport på tv, kaffi i koppen og eit tøffelpar under arbeid. 
Det er slik eg likar å ha det før jul, litt rot og kaffikos.
(Om du ser ein stol stå ute på verandaen, er det ein gamal stol heimanfrå, den trengte ein vask så den står til tørk..)

Oppussinga har stått litt på vent no, eg har jobba med å tove tøflar som er bestilt til jul. 
Men eg fekk handla meg garderobe på black friday, og den monterte eg opp i går, det er veldig godt å flytte ut av kofferten endelig! 
Dårlege bilete, men du ser at garderoben er på gang.

No er det tøffelarbeid og sofa!
Betre bilete kjem etter kvart som rotet og pappkassane forvinn...

Nyt søndagen :)



søndag 15. november 2015

Flytta inn!!

Hei hei!
Ja då har eg endelig flytta inn :)
Her er frå kvelden før flyttelasset kom på plass, og eg er så fornøgd med veggfargen på endeveggen av stova!

Slik ser det ut idag :)
Litt kaos og kassar er det sjølsagt, men eg er innflytta og det er så herlig! Den gamle leilighet er ferdig vaska og klar for ny eigar.
 Sofa og tv er komt på plass og eg kosar meg, no kan eg jobbe med resten av oppussinga litt etter litt.
Eg flytta inn forrige fredag og har budd her ei veke no, det kjennes utrulig godt å ha plass til å slå ut armane og bevege seg! Merka ikkje kor trangt eg budde til eg kom inn her... Det er stor forskjell på 32m2 og 58m2!

God søndagskveld!

søndag 1. november 2015

Endelig ferdigmalt stove!

Hei!
Idag er eg endelig ferdig med stove veggane! Eg er så glad ;)
Det er kjekt å jobbe når ein ser resultat! 

Her er tapeten på vei vekk, det har tatt nokre ettermiddagar å få den vekk for å sei det slik..
Tapeten endelig vekke, sparkling og pussing neste.

 Grunning!

 Endelig ferdigmalt!
 Måtte ha ein vegg med farge, og den har det passande navnet håp.
 No er det listene som gjenstår, så er det innflytting!! 
Gleda meg :)

Eg er fornøgd med innsatsen denne helga til tross for at eg ikkje har vore heilt i toppform etter visdomstanna vart operert ut. (har gått rund med ein stor kul på kjaken, så greit å gøyme seg vekk litt..)

No skal eg nyte resten av søndagen rolig i sofaen.
God kveld til deg !

onsdag 28. oktober 2015

Soverom nesten klart!

HEI!
Ja då greidde eg å halde meg til planen og fekk lagt golvet på soverommet i helga! 
Det gjekk mykje lengre tid enn eg hadde trudd. 
Det blei litt trøbbel i starten sidan eg aldri har lagt laminatgolv før, men eg greidde det og er veldig fornøgd :)
 Listinga må eg ta etter at eg har fått garderobedørene på plass, men det går fort.
Søndag var eg heime og bytta til vinterdekk på bilen, og tok med meg ein stol eg er velig glad i og endelig har eg plass til den att!!

No er det stova som står for tur! 
Formen er litt redusert idag, då eg har operert ut ei visdomstann... Men eg satsar på at eg kjem meg fort og stova blir ferdig i helga!



torsdag 22. oktober 2015

Oppussing...!

Hei :)
Her går det i oppussing kvar ettermiddag og helg. Så det blir lange dagar, men veldig kjekt no når eg endelig kan sjå enden!
Soverommet er i kveld ferdigmalt i tak og på veggar,  kanskje litt kjedelig med kvitt overalt, men fargar vil eg vente med til eg kan bruke tid på å bestemme meg. 
Eg vil bu meg inn litt inn før fargane kjem på veggen.
Bedre bilder med ferdigmala veggar kjem i neste innlegg!
 Stova er neste prosjekt..
Her er eg i full gang med å fjerne tapeten, den slepper ganske lett når den blir bløyta med vatn. Det er berre den fantastiske bårda som sit godt, forstår ikkje kva som gjorde den så populær ein gang i tida...! 

Planen er å få lagt laminatgolv på soverommet i helga, fant eit som var ganske likt stovegolvet. Aldri lagt golv før, så det blir spennande.
Parketten i stova er ferdig beisa og lakka og ligg for øyeblikket skjult under papp.


God helg til deke!
Oppdatering kjem etter kvart!

søndag 11. oktober 2015

Leilighet solgt!!

Jippi!!
Eg er så glad og fornød for at eg har fått solgt leiligheta mi, og det til over takst!! Det er heilt fantastisk godt :)

No jobbar eg med den nye leiligheta mi. 
Og som så ofte skjer, så balla ting lett på seg...
Slik så bildeta frå prospektet ut:
Eikeparkett,, ganske gul og strietapet på veggane. Så då var planen å ta stova først. Eg har lyst på lysare golv og slette veggar.
Fliser på golvet på soverommet?? Ken som likar det? Kaldt og og fæl farge.. Skulle egentlig male dei, men så oppdaga eg at det ikkje var fliser inne i heile garderoben. 
Samme fæle fliser på kjøkkenet. Så då fant eg ut at sidan eg ikkje vil leve med dei og sidan dei ikkje dekkar heile golvet, så fjernar eg dei like godt no medan eg kan støve ned heile leiligheta...

Så ja då ser det litt slik ut. 
Her er ikkje flisene fjerna enda, men ein vegg er plutselig vekke..
Ville opne opp kjøkkenet til stova litt.


Eg blir litt stressa av meg sjøl, skulle egentlig ikkje ta så mykje no først. 
Men samtidig er det veldig godt å få gjort unna alt støvarbeidet som nesten blir umulig å få gjort når eg har flytta inn.
 Så ja då får eg sjå kor langt eg kjem før innflyttingsdatoen er her! Så lenge stova er ferdig så er eg fornøgd.
No er eg sliten, så det skal bli godt å krype opp i sofaen.
Beise golv i mårra!
Meir bilete kjem etter kvart ;)

God søndagskveld :)

fredag 2. oktober 2015

Trude flyttar! Episode 2..



I går fekk eg nøklane til mi nye leilighet!!

video

Tirsdag kom leiligheta eg skal selge ut på finn.no.
Det er kjempespennande og litt skummelt..
Håpar og kryssar fingrar og tær for at nokon likar leiligheta mi og det eg har gjort den, og får lyst å bu her!
Veldig fornøgd med bildene som sagt :)
Desse bileta har eg lånt av annonsen min på finn. Resten av bileta og annonsen kan du sjå HER.






GOD HELG!
Eg blir nok i mi nye leilighet mellom malingspann og tapet..;)



onsdag 23. september 2015

Pakking og ordning..

Hei hei:)

Phu jammen er det mykje styr med å selge og kjøpe bolig på ein gang...
Gledar med veldig til det er over og eg kan kose meg med oppussing i den nye leiliheta.
Her har det gått i pakking og flytting av pakkelass til slekt og venner. Veldig glad for at eg har så gode og hjelpsomme folk rundt meg!
 Akkurat no har eg hatt fotograf på besøk som tok bilete til prospektet. Veldig spent på bildene! 

Her er ein liten forsmak, 
fotografens bilete er nok mykje betre( håpar eg..)






No skal eg ha ein rolig kveld i sofaen med interiørblad og ingen pakking!
God onsdagskveld til deg :)

søndag 20. september 2015

Trude flyttar! Episode1..

Hei hei :)

Her er eg attende etter ein lang sommarpause.

No startar eit nytt kapittel i livet, eg skal flytte!
Eg har lenge leita etter ei større leilighet som kan romme meg og hobbyane mine, og til pris som eg kan klare. Og det er ikkje lett,  men endelig fann eg den! Leiligheta er på 58m2 og nesten dobbel så stor som den eg bur i no(32m2).

Så no er det full jobb med å pakke,tømme og gjere klart for salg.
Masse jobb!

Eg skal prøve å hande dykk oppdatert her på bloggen med bilder frå flytting og oppussing etter kvart. 
Gledar meg til eg er ferdig med denne stressande salgsprosessen, og kryssar alt for at eg får solgt!
Følg med!

Ha ein god søndagskveld:)

tirsdag 2. juni 2015

Sommar...?

Hei!
Ja då var det blitt sommar og juni faktisk! 
Kan ikkje sei det merkast at det snart er sommarferietid...
Eg var på mc-treff i helga, i hardanger, og det verka vel meir som haust enn sommar på veret og ikkje minst temperaturen. 
Men uansett så var stemningen god! Skal meir enn dårlig ver til å ødelegge moroa ;)
Ellers har eg endelig greid å oppdatere eplabutikken min!!
Her er litt av det nye eg la ut:













Gje gjerne ein tilbakemelding på kva du synes!
Håpar du har det godt og varmt inne og at me snart får litt sommarver...!

GOD VEKE!