søndag 19. mars 2017

Hei!
Her er det toving for fullt i helgene, det gjelder å få laga opp nok tøflar og høner til messe..
Kjekt å få tove utan bestilling, då får eg prøve meg på nye fargar, mønster og modellar.
Her er det nokre babytøflar som snart er klare.

 Nye lave tøflar er tova, dette er eit par i str 40/41.
 Dette er eit par i str 38/39.
 Prøvde meg og på eit par store tøflar i str 42/43.
 På kjøkkenbenken min står det stadig nye par til tørk..

I dag har eg vore heime i Gulen ein tur, Breidvik og Bålen bygdelag hadde saman med Brekke bygdekvinnelag søndagskafe og utstilling av dåpskjolar.
Brekke bygdekvinnelag har samla inn dåpskjolar frå nærområdet, over 50 ulike dåpskjolar frå ca 1880 til 2000.
På det siste biletet er den kjolen me har brukt i familien, den i midten med rosa silkeband.
Alle kjolane hadde eit ark med namn på familien som eigde den og litt om historia til kjolen, veldig flott utstilling!
    

Desse hønene måtte leverast, dei ein av premiane på loddboka.

No skal eg sette meg ned og strikke litt..
God Søndagskveld til deg !

søndag 12. mars 2017

Hei!

Kaffikos er alltid ein viktig del av helga. Det å kunne ta seg tid til å nyte ei stille stund, bla i nokre interiørblader, sjå gjennom instagram og berre slappe av..
(Innimellom alt det ein har tenkt å gjere då sjølsagt;))
Spisestuebordet får påfyll av tøflar etter denne helgas arbeid.
Det siste tøffelparet eg har laga ferdig er eit par revetøflar i str 38/39, dei blir med på kunst og handverk messa.
Endeleg har eg fått lys under kjøkkenskapet mitt, eg viste ikkje kor mykje eg trengte det før eg fekk det. 
Godt lys er viktig, dette merkar eg godt på badet mitt og, der det no er spottar i taket istadenfor eit lite lysrør over spegelen. Dette gjer det godt å stå å jobbe med toving, og då blir produksjonen større!
Slik har eg hatt det lenge no, utan lys.
 Utruleg kva godt lys kan gjere!
Dette er benkeplatebelysning frå IKEA som kan dimmast i 2 trinn.


 Då var denne helga over alt.
Synd den ikkje er litt lengre slik at ein får tid til alt ein har planlagt å gjere..!


Nyt siste rest av søndagen :)



søndag 5. mars 2017

HEI!
No har eg snart budd heime hos meg sjølv og med mitt nye bad i 14 dagar, så i morgon kan eg slå på varmekablane!

Her har eg endeleg fått vaska opp alt av klede og tekstilar etter støvet frå bad oppussinga, og rydda vekk siste del av rotet og baderomstilbehøret.
Godt å få leiligheta tilbake!


Lørdag prøvde eg å tove tøflar på badet for fyrste gong, og det fungerte så bra! Kjempegod plass og vannsølet renn rett ned i sluken, supert, så no skal eg tove masse tøflar framover. 
Eg har nemleg meldt meg på kunst, mat og husflidsmesse på Oppdalsøyra, messa er i palmehelga den 8. og 9. april.


 No blir det tøflar og ull som får fylle opp spisebordet framover!


 God søndag!

søndag 26. februar 2017

Endelig nytt bad!


 Hei!
Ja då var eg endeleg heime att, og badet klart til bruk!
Det har vore stressande og vanskelig å bu vekke så lenge, og ha arbeidarar inne i leiligheita mi som styre på utan at eg har heilt kontroll med kva dei styrar med..
Men no e badet klart! Iallefall nesten, manglar dusjdør som er forsinka og ramme rundt vannsentralen over doen.

 Forskjellen er stor frå 80/90 talls badet med badekar og stråleovn  til 2017 og varmekablar! 
(varmekablane har eg ikkje fått testa endå, då eg må vente i 2 veker før eg kan slå dei på..)
Mykje rot og støv blei det sjølsagt, alle vannrøra i leiligheita blei bytta ut, og dei låg sjølsagt bak kjøkkenet mitt... 
Så heile leiligheita har stått på hodet og var fullstendig nedstøva då eg på tirsdag kunne få flytte heimatte..
                    

                        

                        

Men etter ein lang tirsdag ettermiddag og ellers fleire ettermiddagar denne veka, er no alt nyvaska og reint!
 Dusjdøra kjem ikkje før om ca 2 veker, så eg kjøpte meg ei dusjstang og dusjforheng så eg slepp å sprute vatn over heile badet når eg dusjar..




No gjenstår det å få på plass eit skap over vaskemaskina, så må eg bu meg inn på det nye badet mitt og nyte det!
Det er litt smådetaljar eg ikkje er heilt nøgd med, men det får eg ta neste gang...

Tuusen takk til mi fantastisk gode venninne SIRI som lot meg få bu hos ho i heile oppussingsperioden!

God søndag :)











søndag 29. januar 2017

Hadet på badet...!

Hei!
Då blir det nytt bad på meg!
I morgon kjem det folk og river det gamle badet mitt, og eg kjem ikkje til å savne det innflisa badekaret eit sekund..
 Ei utruleg dårleg løysing på innflisa badekar, vatnet som ikkje treffer ned i badekaret renner rundt flisekanten og på golvet... 

 Flisemoten har vel forandra seg litt...
Ut med 80/90 talls fliser og inn med 2017!
 Det som er litt kjedeleg er at eg no ikkje har bad på 3 veker, og må flytte ut..
Men heldigvis har eg gode venner og slektningar som hjelper meg.

God søndagskveld! 
Eg har nettop tatt min siste dusj på mitt gamle bad og gledar meg til neste dusj om 3 veker!(på dette badet altså...)



søndag 15. januar 2017

 Hei og god søndag til deg! 

Tente eg skulle dele mine prototyper på lave tøflar med deg.
Prøver meg fram med litt ulike modellar, må tove ein del tøflar og justere litt på malen for kvar gong, men begynner å nærme meg noko no..
 Og idag prøvde eg å ta bilete av tøflane i bruk med sjølutløyser på kameraet, bortsett frå dei klumpete føtene som er nedi tøflane vart det ganske bra til å vere fyrste gong... ;)


Kva tøffelpar likte du best...? 
 Eg har eit strikk liggande som eg strikkar på innimellom når eg har lyst og tid, Nancy kofte, spent på om eg klarar å få den fin.. Mønsterstrikking er ikkje mi sterkaste side, men etter at eg fekk tips om å bruke tjukkare pinnar når eg strikkar mønsteret har det gått bedre! 
 Og ja, eg planlegger å pusse opp badet! 
Meir om dette neste veke.. ;)

Nyt den fine vinterkvelden!

søndag 8. januar 2017

Godt nytt år!

Hei!
Ja då var jula over og kvardagen komen, og litt godt er det. Det har blitt litt for mange julekaker på meg, så no må snop reduserast og kroppen slankast.
Jula blei rydda heilt vekk 2 nyttårsdag, då var eg lei..
 
Endeleg kjøpt meg teppe! Etter lang tenking og vurdering blei det eit kuskinn under spisebordet, eg er kjempefornøgd.

Denne helga har eg test-tova nye tøflar, det er så kjekt å prøve ut nye teknikkar, former og fargar, og berre tove akkurat det eg har lyst til! (Bilete kjem etter kvart..)
  Som det blir sagt -Nytt år, nye moglegheiter!
Vanlegvis pleier eg ikkje ha nokon nyttårsforsett eller store planar  om endringar, det pleier vanlegvis ikkje holde så lenge uansett.
Men i år blir det litt annleis, eg har bestemt meg for at år 2017 skal bli eit godt år!
Har ikkje lagt noko konkrete planar endå, men det handlar vel mest om at eg skal ta meg sjøl i nakken og gjere ting eg har lyst til  istadenfor berre å tenke på det!

 Har du noko planar for 2017?