Hei!
No er det verkeleg sommarfølelse her, over 20 grader på terrassen og umulig å få gjort noko inne i slikt herleg ver. Energien og arbeidslysta er tilbake att for fullt heldigvis!
Eg har hatt ei kjempeflott langhelg, der planen var å få flisa over kjøkkenbenken og fikse noko garderobedører på soverommet.. Men med sånt nydeleg ver får flisejobben vente!
Eg har heller grepe fatt på den store jobben på terrassen.
Her er det nok å gjere, slik såg det ut når eg overtok:
Eit furutre midt i terrassekassen, eg anar ikkje om det er planta der med vilje eller funne vegen sjøl. Men det og alt anna har iallefall fått vekse fritt i mange år..
Men vekk skulle den og dei andre buskene som tar all utsikt.
Eg har fått vekk det som er verst på overflata, men gjensår den store jobben med å få vekk rotsystemet. Hjelpa meg for eit hav av røtter det er nedi den kassen, eit lite bjørketre stod i eit hjørne og, det har eg greid å fjerne mesteparten av røtene på.
No eg har jobb ute når det er flott ver og jobb inne når det er mindre fint. Veggar og tak må skrapast og malast på nytt i tillegg til å få terrassekassen(eg veit ikkje kva det kallast, men reknar med du forstår kva eg meinar) fin att. Men eg kosar meg, sofaen er komt på plass, her skal eg nyte mange sommardagar!
Det har skjedd litt inne og, Eg har prøvd meg på å lage mine eigne garderobedører av OSB plater.. Ikkje heilt ferdig enda, men eg trur det blir bra. Det var veldig godt å få skjult kleda og få eit reinare og ryddigare rom.
Jammen fekk eg ikkje start på motorsykkelen og tatt meg ein tur med den idag, herlig!
No skal eg nyte siste delen av langhelga i sofaen, håpar du har hatt ei strålande helg i sola og!
Du er jammen meg effektiv! :-) fint det ble ;-) mvh Siri M.
SvarSlett